موضوع: قصة شاب تزوج من امراءة عجوز الخميس سبتمبر 09 2010, 04:48
القصة باختصار
هذا شاب كمل دراسته الجامعيه
وبعده جاله تعين في منطقه بعيده عن اهله لما سافر كان معه مجموعه من الي تعينو في تلك المنطقه ويجلس بين فتره وفتره يروح لاهله ومره وهو طالع لاهله وهو بالسياره مع زملائه مرو بمنطقه صحراويه نائيه ومن بعيد لمح (عشعه) اوبمعنى اصح بيت صغير ليس مبني من ادوات البناء الحديثه وكان هدا الشاب عنده فضول يشوف وش فيه نزل وجد امراءه عجوز طاعنه في السن ولما دخل عليها فرحت وجلس عندها وسولف معها وسالها وش تتمني قالت ياولدي انا ما اتمنى غير عمره وتمدينه للمدينه هذا الي ودي فيه وانا مقطوعه من شجره مالي احد قال :لها خلاص انا اوديك وسال بعض الشيوخ انه يجوز ياخذ هالعجوز ياخذها عمره ويمدنها قالوله لازم تملك عليها بالفعل ملك عليها وراح بها عمره وممدينه وبعد ما خلص رجعها للعشه حقها وقلها يا والده انا اخذتك عمره والمدينه وخلصت مهمتي خذي ورقتك انا رايح قالت لا ياولدي لا تطلقني انا ما بي منك شيء بس ابيك تجي وتروح لعندي بين كل فتره ما بي غير تزورني يا وليدي المهم الشاب ماطلقها عشان طلبها وراح وكان زملائه يعايروه وينك يا ابو عجوز وهوه ما غير يسكت لان كان زواجه منها بنيت يكون محرم لها عشان يقضي لها حاجتها وبعدسنتين جاله نقل من نفس المنطقه الي كانت بها العجوز وراح لعندها وقلها يا والده انا رايح ويمكن ما عاد اجي لهالمنطقه ثاني وانا بعطيكي ورقتك ورفضت قالت يا ولدي انا مسامحتك دنيا وآخره روح وإذا تزوجت وخلفت وقدر لك الله انك تزورني الله يحيك لاكن ورقتي نا ابيها وراح الشاب سافر وباقي العجوز بذمته وبعد سنين عديده مرت كان ماشي من نفس المكان الي تعين بيه وتذكر العجوز وقال فرصه اشوف اخبارها لما وصل لنفس المكان وجد تلك العشه قد هدمت وحولها الاواني واغراض تلك العجوز ولكن لم يجدها وسال الناس الي حوليها قالوله هذي مات له فتره وتاثر وقال خليني اشوف اش الي بقي وراها وهو قاعد يتفقد عشتها بيتها الصغير اذا به يجد شنطه صغيره قد غطتها الغبار من كثر ما جار عليها الزمن وفتح تلك الشنطه ولم يجد سوى ورقه مكتوب عليه صك لأرض بالمنطقه الفلانيه واخذ الورقه وسال الشيخ بعد ما حكاله قصته مع العجوز وقله الشيخ هذي الارض ملك ورثتها من تلك العجوز طالما لم تطلقها وبالفعل شوفو كيف الرزق جا لغايت عنده باع تلك الارض ب3 ملاين وهذي ثمرة الي يقضي حوائج الناس....
هذي القصه اعجبتني وادهشتني كثير وحبيت اسردها لكم وانشاءالله تعجبكم ودمتم في حفظ الله
(سبحانك اللهم وبحمدك اشهد ان لا إلاه إلا انت استغفرك اللهم واتوب إليه)
موضوع: قصة شاب تزوج من امراءة عجوز 
