موضوع: باقي النكت السياسيه الإثنين يونيو 13 2011, 22:50
احد اتحشر في زحمة المرور فلقى واحد بيخبطّله على شباك السيارة فتح الشباك و سأله: عايز ايه ؟ قاله : الرئيس حسني مبارك خطفوه و الفدية 5 مليون دولار و لو الفدية مااتدفعتش .. الخاطفين هددوا يدلقوا عليه بنزين و يولعوا فيه..واحنا بنجمع تبرعات .. تحب تشارك ؟ الرجل سأل: و في المتوسط الناس بتتبرع بكام ؟ الرجل الثاني : من 5 الى 10 لتر بنزين'
عسكرى مصرى بيسأل عسكرى اسرائيلى بتقبض كام قالوا الف دولار بدل سكن والف دولار بدل موصلات والف دولار بدل ترفية والف دولار مكافة فالعسكرى الاسرائيلى ساءل العسكرى المصرى بتقبض كام قالوا سبعين جنية قالوابدل اية ؟ قالوا بدل ما شحت
مبارك جمع شيخ الازهر والبابا شنوده وقالهم انا جمعتكم النهارده علشان اقولكم ان ابنى جمال هيبقى رئيس مصر سنه 2010 قام البابا شنوده وقال اللهم صلى ع النبى شيخ الازهر قاله انت كده اسلمت ياشنوده ؟ شنوده قاله ماهى حاجه تخلى الواحد يطلع عن دينه
بوش تعجب من العراقيين كيف تنتقل الأخبار عندهم بأسرع من البرق
فسأل أحد جنوده فقال له إن العراقيين عندهم شفره إسمها " شكو ماكو " عن طريقها يقدرون يتناقلون الأخبار بسرعة عجيبة
فقرر بوش أن يزور العراق ويتنكر ولبس جلابية وعقال وعباية وراح وقف عند محطة توزيع الغاز وسأل احد العراقيين وقال له
شكو ماكو ؟
رد العراقي وقال
والله ما دري بس يقولون بوش في العراق
مرة ضابط مصري وضابط اسرائيلي دار بينهم هذا الحوار الاسرائيلي: الا قوللي يا انتم بتاكلوا ايه ع الفطار؟؟ المصري: فول بالزيت. الاسرائيلي: طب بتاكلوا ايه ع الغدا؟؟؟ المصري: فول بالطماطم. الاسرائيلي: أمال بتاكلوا ايه بقى ع العشا؟؟ المصري: فول بالبيض. الاسرائيلي (بتريقة): أمال ايه الفرق بينكم وبين والبهايم؟؟ المصري: سيناء
مرة دكتور امراض عقليه بيكشف على مخ مريض فطلع المخ وحاطه فى الصينيه اعبال مايكشف على الجمجمه راحت القطه اكلت المخ فالدكتور محتار يحط بدل المخ ايه راح جايب جوز جزمه وحطها فى الجمجمه وقفل على كده بعد سنتين واحد بيسئله بيقوله ايه اخبار المريض بتاع الجزمه قالو اسكت عقبالك دا باين عليه صار الرئيس بتاعنا
واحد لقي مصباح علاء الدين ودعكه.. فطلع الجني وقاله انت تطلب ايه.. قاله: تطلع امريكا من العراق... الجني: بس انا مليش دعوه بالسياسه.. قال:طيب انا خريج 1999 وعايز شغل الجني:تحب اطلع امريكا من العراق امتي.
تلاته خرجوا في رحلة سفاري..واحد مصري والتاني صومالي والتالت أمريكاني..دخلوا كهف وناموا..وصحيوا بعد 300سنة!..كل واحد فيهم قام رجع بلدة.. الصومالي شغل الراديو سمع: (الصومال لن تتنازل أبدا عن حقها الشرعي والتاريخي في ولاية نيوجيرسي) الأمريكي شغل الراديو سمع: (سيدافع الجيش الأمريكي عن البلاد لآخر جندي!) المصري شغل الراديو سمع: (إخترناه..وبايعناه.. .وعشان كده احنا اخترنااااااااااااااا ااااه!)
موضوع: باقي النكت السياسيه 
