مره، كنت فى سيتى ستارز و لقيت تمثال على شكل بنى آدم و لونه اسود بس باين انه انسان حقيقى اوى، فا قولت لصاحبى ده حقيقى ولا تمثال؟ لقيت صاحبى قربت من وراه كده و طاااخ على قفاه، لقينا التمثال اتحرك (طلع راجل حقيقى) و طلع يجرى وراه[ندعوك للتسجيل في المنتدى أو التعريف بنفسك لمعاينة هذه الصورة]
النهارده، بعد ما خرجت من الامتحان ماشى فى الشارع لقيت واد كده شكله صايع بيقولى كابتن معاك قلم رصاص، الصراحة انا خفت من شكله علشان صايع قولتله اه معايا قلى طب هاته، طلعت القلم وادتهوله لقيته طلع مطوه وراح كاسر القلم نصين بالمطو وادانى نص واخد نص فاقولتله ليه يعنى عملت كده، قلى علشان اخش امتحن معاييش قلم[ندعوك للتسجيل في المنتدى أو التعريف بنفسك لمعاينة هذه الصورة]
مره، كنت بتكلم مع ابويا على الشقه بتاعتى، قالى هتتشطب على السنه دى، فا قولتلك خلاص هانت يعنى، قالى و انتا مستعجل ليه كلها 12 سنه و نخطبلك[ندعوك للتسجيل في المنتدى أو التعريف بنفسك لمعاينة هذه الصورة]
فى مره امى قالتلى وحياتى عندك اكنس الصاله وانا بصراحه كنت تعبان قولتلها موافق بس عندى طلب قالتلى ايه_قولتها احلفى الاول انك هتنفذى الطلب قولى والله _ قالتلى والله هنفذ الطلب _ قولتلها اكنسى الصاله _ قالتلى كده يابن ال؟؟؟احم احم[ندعوك للتسجيل في المنتدى أو التعريف بنفسك لمعاينة هذه الصورة]
النهارده، واقف فى المترو و سامع واحد بيتكلم على اسامه بن لادن و بيقول لصاحبه خلاص كده امريكا قتلته و نهايتها جايه نهايتها هتكون على ايد ليبيا[ندعوك للتسجيل في المنتدى أو التعريف بنفسك لمعاينة هذه الصورة]
النهارده، كنت راكب توكتوك فلقيت الراجل بيجرى بسرعه اوى وكنا هنتخبط كذا مره، فقلتلوا ايه يا اسطا انا مش متاخر على ماهلك يعنى، قالى ياعم سبنى فى حالى قلتلوا اسيبك ايه بس انتا كده هتموتنى، قالى البت الى كنت هتجوزها سابتنى وانا لازم اموت، لازم اموت وانتا هتموت معايا[ندعوك للتسجيل في المنتدى أو التعريف بنفسك لمعاينة هذه الصورة]
النهارده، جاتلى روشته لعيل صغير عنده حوالى 3 سنين، جبت العلاج و اديت الحقنه للواد و معيطش ولا عمل حاجه، و الناس اللى واقفه عمالين يقولوله ايوه كده انتا راجل و حاجات كده، المهم بكلم امه قولتلها حطيله من القطره دى 3 مرات فى اليوم، لقيت الواد صوت و قال قطره لأ قطره لأ و طلع يجرى و ساب امه فى الصيدليه[ندعوك للتسجيل في المنتدى أو التعريف بنفسك لمعاينة هذه الصورة]
النهارده، كنت فى الانتفاضه عن القائد ابراهيم كل الناس بتتجمع هناك و بعدين نطلع ع القنصليه الاسرائيليه، فا قبل ما المظاهره تتحرك روحت انا و صحابى نجيب ميه و اكل عشان نعرف نكمل، و احنا معديين من جنب كشك لقينا صاحب الكشك بيقولى كابتن كابتن هيا المظاهره دى عشان مبارك رجع ولا ايه نظامها؟[ندعوك للتسجيل في المنتدى أو التعريف بنفسك لمعاينة هذه الصورة]
النهارده، كنت واقف مع صاحبي في صيدليه دخل علينا واحد عايز قطره للعين فسال صاحبي تتحط ازاي قاله تفتح جفونك وتحط نقطه او اتنين، الواد وقف شويه مستغرب وبعدين مشي، 5 دقايق ورجع بيساله معلش يا دكتور احطها في الحته البيضه ولا السوده[ندعوك للتسجيل في المنتدى أو التعريف بنفسك لمعاينة هذه الصورة]
النهارده، بغيظ خطيبتي وبقولها في بنت معايا في الشغل بتقولي " يا وزتي " وعامل نفسي مدايق من الموضوع ، قالتلي اوووف دة انا كمان معايا واحد اسمو وليد في الشغل ، مبيعديش الشارع إلا وهو ماسك إيدي او حاطط ايديه على كتفي ، وبتكسف اقولو لا[ندعوك للتسجيل في المنتدى أو التعريف بنفسك لمعاينة هذه الصورة]
النهارده، ابن عمى اتصل بيا و عايزنى اترجمله جمله انجليزى و كان جنبه دوشه و بتاع، فا ترجمتهاله، بعد شويه لقيته كلمنى تانى و عايزنى احلله ديالوج (محادثه) من بتوع اعدادى دول، قولتله انتا فين يابنى؟ قالى انا فى لجنه الامتحان[ندعوك للتسجيل في المنتدى أو التعريف بنفسك لمعاينة هذه الصورة]
مره، كنت قاعد فى حالى و فجأه لقيت ابويا جه قالى انتا بتشرب مخدرات و بتروح شقق دعاره، و انا كنت مستغرب عشان مش بقبل الحرام و اول مره يشك فيا كده، فى الآخر اتضح انه شاف فيلم اوقات فراع و كان بيختبرنى[ندعوك للتسجيل في المنتدى أو التعريف بنفسك لمعاينة هذه الصورة]
مره، كنت فى دوله اوروبيه و كنت طالع مع واحد صاحبى مصرى فى الاسانسير و ركب معانا راجل بتاع دليفرى و شكله هندى، المهم قولت لصاحبى بالعربى شامم ريحه الاكل ياض انا جعان اوى متيجى نخطف الراجل ده و نقتله و ناخد الاكل اللى معاه، لقينا الراجل بصلنا و قال يا ولاد الكلب (طلع مصرى)[ندعوك للتسجيل في المنتدى أو التعريف بنفسك لمعاينة هذه الصورة]
النهارده، ركبت ميكروباص ورايح الدرس لقيت البنت اللي عايز اكلمها من شهر اعده جمبي، فاقولت الفرصه جت لحد عندي روحت قايل للسواق اتنين ورا، فجأه الميكروباص وقف وقالي تعرف البت دي منين يلا واكلت علقه واخد حق الاتنين وطلع ابوها في الاخر[ندعوك للتسجيل في المنتدى أو التعريف بنفسك لمعاينة هذه الصورة]
مره، كان عندي درس كيميا و الاستاذ كان قايل اللي يتأخر يدفع خمسة جنية فأنا اليوم دا اتأخرت فقلي هات خمسة جنية عشان أتأخرت روحت مطلع عشرين جنية وقولتلة هات الباقي راح قلي مش معاايا فكة وابقي اتأخر بباقي الفلوس[ندعوك للتسجيل في المنتدى أو التعريف بنفسك لمعاينة هذه الصورة]
مره، كنت راكب في عربيه في الموقف انا وواحد تاني وفيه عربيه قدامنا بتركب الناس و لسه ناقصها اتنين علشان تكمل وتطلع، فالسواق بيقول لسواق العربيه اللي انا فيها يا اسطي ماتديني الاتنين دول علشان اكمل العربيه وامشي، السواق قاله ده انا اكب عليهم جاز واولع فيهم ولا اني اديهوملك[ندعوك للتسجيل في المنتدى أو التعريف بنفسك لمعاينة هذه الصورة]
النهارده، وانا قاعد على القهوة لقيت اتنين قاعدين مع بعض وواحد منهم ماسك ورقة وعمال يقرا فبها شوية، وقال للتانى اية الفرق بين الدرجة الاولى والدرجة التانية فى الطياره؟ اية يعنى الدرجة التانية هيركبونى فى الديل يعنى ولا فى الاجنحة، راح التانى قالوه تلاقى الدرجة الاولى بتبقى شايف الطريق[ندعوك للتسجيل في المنتدى أو التعريف بنفسك لمعاينة هذه الصورة]
موضوع: شخص يَروي لنا مواقف مضحكة حدثت معه .. 
