شعر في حب الرسول

30/05/1991

ياعمر وينك ياليتك تشوف اللـي نشـوف
المذلـه ياعـمـر كلـنـا عشـنـا بـهـا
الرسول يسـب وجيوشنـا جمعـه وقـوف
كثـرتٍ مثـل الغثـاء بـس محـد هابهـا
اشجع الفرسـان فينـا يخوفـه الخـروف
تاركيـن سـنـه المصطـفـى وكتابـهـا
حـب دنيانـا جعلنـا نتعـذر بالـضـروف
نلتمـس الاعـذار والحـرب نقفـل بابهـا
المشايخ ياعمر بين فتـوى وبيـن خـوف
والمنيـه مانـدانـي نـشـوف ركابـهـا
انت جاهدت بصحابتـك بخيـول وسيـوف
لين يبست خنجـرك فـي يـدك وانصابهـا
ماتعذرتـو بقلتـكـم وقلـتـو ضـعـوف
تنطحـون جيـوش ماتنحصـر بحسابـهـا
نعشق الدنيـا ونصفـق عليهـا بالكفـوف
انفتنـا بجمـعـت اموالـهـا واترابـهـا
انتحسف لاخسرنا ونكثـر فـي الحسـوف
نحلـق اللحانـا ونتـرك طويـل اشنابهـا
والربا من بيننا صـار عـادي ومعـروف
والزكـاه نحـاول بحيلـه فـي نصابـهـا
نكره اهل الديـن ونحـب غنـاج الهنـوف
لامشت فـي السـوق كـل يشـم اطيابهـا
والمجالس كلهـا لغـو وهـروج وحلـوف
والـعـبـاد الغـافـلـه لازم نغتـابـهـا
وان حضرنا حفله نطـرب لـدق الدفـوف
تطـرب الشـبـان لستنـزلـو شيابـهـا
ياحيـاه الشيـن والـذل يادنيـا الذلـوف
استـوى الحـر المبرقـع وفـرخ غرابهـا
وين شوق الجادل اللي له تحنـي الكفـوف
يرخـص الغالـي ليـا سلهمـت باهدابهـا
ماتبي غيره من الناس لو جوهـا صفـوف
وعجزتـه بشرطهـا واحتمـل لاتعابـهـا
قالت ان كانك تبيني فانـا طبعـي عيـوف
تـم شرطـي والمهونـه تـرى مرضابهـا
احتزم ثم قال يالله وش الشـرط ونشـوف
قالت احـرق لـي الجريـده مـع كتابهـا
وقص راس اللي رسم قص من فوق الكتوف
هـات راسـه اوحـذف بجثتـه للذيابهـا
قال هذا ناوي بـه قبـل شرطـس يانـوف
وسعد عين واجهـت فـي اللقـاء طلابهـا
ينتقـم للمصطفـى يـوم مخلبنـا معكـوف
ويحفظ التاريـخ لـه فعلتـه فـي اكتابهـا
ثم بعدها ياعمر ليـت تاتـي ثـم تشـوف
كيـف حـال الامـه بجمعهـا وارهابـهـا
جمع وافر لاكـن قلوبنـا رعـب وخـوف
والمـذلـه ياعـمـر كلـنـا عشنابـهـا

01/06/2010

[ندعوك للتسجيل في المنتدى أو التعريف بنفسك لمعاينة هذه الصورة]

30/05/1991

[ندعوك للتسجيل في المنتدى أو التعريف بنفسك لمعاينة هذه الصورة]

04/11/1995

30/05/1991

[ندعوك للتسجيل في المنتدى أو التعريف بنفسك لمعاينة هذه الصورة]

18/11/1990

[ندعوك للتسجيل في المنتدى أو التعريف بنفسك لمعاينة هذه الصورة]

05/02/1992

سلمت يالغالي على روعه طرحك

نترقب المزيد من جديدك الرائع

دمت ودام لنا روعه مواضيعك