المتخلفين بيشجعوا واحنا معاهم هههههههههههه

21/11/1991

الغبى:ايه ياكوتش كنت فين كده؟
العبيط:كنت بتفرج على ماتش كورة انما ايه.اكسترا
الغبى:مين اللى كان بيلعب؟
العبيط:مش عارف والله يافهيم هى كانت فى فرقه لابسه اسود وفرقه لابسه اخضر
الغبى:اه يبقى الاهلى والاسماعيلى المهم مين اللى كسب؟
العبيط:والله يافهيم مكدبش عليك باين الفرقه الاولى جابت جون والتانيه جابت جونين تلاته....حاجة كده
الغبى:اهاااااا طب ماتقول اتعادلوا ياعم هتفضل اهبل لامتى؟
العبيط:بس متقولش اهبل يافهيم هو انت عشان بتفهم كورة يعنى وانا لسه على ادى هتفضل تقطم فيا؟
الغبى:طب خلاص معلش ياناصح انا بهزر معاك ياأخى
العبيط:خلاص ياعم عادى مانا واخد منك على كده
الغبى:اما اانا شوفتلك حته ماتش من اللى قلبك يحبهم انا عارف انك بتحب الدورى الانجليزى ياناصح صح؟
العبيط:اه والله يافهيم انا بحبه اوى وبحب اللاعيب اللى بيحط ايده فى بؤه ده
الغبى:مين ده الللى بيحط ايده فى بؤه؟
العبيط:ياض اللى بيحط ايده فى بؤه ده لما بيجيب جون استنى هقولك اسمه..اسمه..اسمه اه اسمه توتو
الغبى:مش بقولك انت اهبل قصدك توتى
العبيط:ااااااااااه هو توتى ده
الغبى:بس توتى مش بيلعب فى الدورى الانجليزى توتى بيلعب فى روما يعنى الدورى الاسبانى يابو المفهوميه
العبيط:ياعم متدقش المهم ماتش ايه اللى انت شوفته؟
الغبى:كان نهائى اوربا بين برشلونه وانترناسيونال البرازيلى
العبيط:ياااااااااااه ده تلاقيه كان ماتش نار
الغبى: اه يابنى كان ماتش جامد وخلص تعادل
العبيط:يعنى مين اللى كسب؟
الغبى:يابنى مش برشلونه اللى بتلعب يبقى اكيد كسبت
العبيط:اه.....لا برشلونه حلوة
الغبى:امتى بقى الواحد يشوف كورة حلوة فى مصر
العبيط:اه والله فين ايام زماااان...... كان الخطيب يقدر يلاعب فرقه لوحد
الغبى:تصدق ياض اول مرة احس انك بتفهم
العبيط:ايه ياعم انت فاكرنى اهبل ولا ايه ده الخطيب ده اسطورة ياما جاب بطولات للزمالك كان متألق بالفانله الصفرا
الغبى:يابنى خطيب ايه اللى كان بيلعب فى الزمالك الخطيب ده كان بيلعب فى الاهلى مع صالح سليم
العبيط:اهو صالح سليم ده بقى مشكله لوحده؟
الغبى:ليه يااستاذ ناصح؟
العبيط:كان لعيب كورة جامد وفى نفس الوقت بيغنى ومشهور
الغبى:صالح سليم مين اللى كان بيغنى؟
العبيط:صالح سليم ابو حسام سليم بيمثل دلوقتى
الغبى:لا يابنى مكنش بيغنى
العبيط:امال كان بيعمل ايه؟
الغبى:كان بيروح يقف معاهم فى الاذاعه وبس
العبيط:ااااااااه اهو هو ده كلام الناس العاقلين
الغبى:بقولك ايه يالا بينا عشان نلحق نشوف الماتش
العبيط:ايه ده هو فى ماتش النهارده؟
الغبى:اه يابنى النهارده اول ماتش لمصر فى الكاس
العبيط:هيلاعبوا مين....... السعويه؟
الغبى:يابنى السعوديه دى فى اسيا
العبيط:امال مين هيلاعب مصر؟
الغبى:مصر هتلاعب النهارده الكاميرون والواحد خايف من دروجبا واد رجله تقيله وممكن يعملها معانا
العبيط:هو دروجبا بيلعب فى الكاميرون؟؟؟؟؟؟
الغبى:لاهما واخدينه اعاره سنة بس
العبيط:طب يالا بقى عشان نلحق نشجع الكاميرون
الغبى: يالا بينا

21/03/1997

ههههههههههه
رائع جدا

01/06/2010

هههههههههههههه
الماتش دة كان على استاد اية؟

21/11/1991

والله مش عارفه فين الاستاد ابقى اسالهم
[ندعوك للتسجيل في المنتدى أو التعريف بنفسك لمعاينة هذه الصورة]

30/05/1991

21/11/1991

[ندعوك للتسجيل في المنتدى أو التعريف بنفسك لمعاينة هذه الصورة]

05/02/1992

جزاكـ الله خير الجزاء

ونفع بك الإسلام والمسلمين

ورزقكـ الجنة بغير حساب

وجعل كل ماقدمت من نفع في ميزان حسناتك

دمت بحفظ الرحمن